Happy new year! Woohoo!

Ilang minuto na lang, bagong taon na. Woohoo!

Kasalukuyan akong nagta-trabaho. What a way to start the year, right? Sabi nga ng iba, kung paano mo raw sinimulan ang taon, ganun na rin daw ang madalas mong gagawin sa buong taon. So ano 'yun, buong taon akong subsob sa trabaho? Wow, ang dakila ko naman hahaha. Well, kaya nga binuksan ko na rin 'yung tv para at least, may nonwork din akong pinagkakaabalahan ngayon. Hahaha.

Lord Jesus Christ, Kayo nga po ang manguna sa aming mga buhay ngayong 2014. I entrust to You everything, Amen.

Maligayang bagong taon!

Happy new year!

새해 복 많이 받으세요!

:D

Please help me...

I need help. Badly.

I think I need help with my spiritual life. I feel so empty right now. I feel so...lukewarm. I don't know but I really need Jesus back into my life. I know that He is my Savior, my Guide, my Light--I acknowledge that. But I do not know why I feel so lost. Actually, I am sad right now. Very sad. I have no one to talk to so I am just posting my thoughts in this blog.

If you are reading this, please pray for me. Please pray for me so that I won't be feeling this spirit of sadness anymore. So that I would be faithful again to God. Please...help me...

Thank you.

Creepy argh

Diretsahan na. Ayoko ng music video ng "All I Want for Christmas is You" nina Park Bom at Lee Hi. Ang creepy! Sobra.

Ang ganda pa naman ng rendition nila, ang ganda ng mga boses nila, pero 'yung music video, panira eh. Hindi siya 'yung pang-"hooray it's Christmas!" o kaya 'yung pang-ABS-CBN Christmas station ID na mood eh. Tingin ko mas bagay na pang-halloween 'yung video.

Try n'yo na lang i-search sa Youtube 'yung music video, dahil hindi ko ilalagay dito 'yung mv o 'yung link. Tapos search na rin kayo ng explanation behind the music video, because I don't want to explain it here. (sorry, tamad lang haha)

Manonood na nga lang ako ng music videos ng Suju para makalimutan ko 'yung mv nina ate Bom at Hi. Haha.

Maligayang Pasko :)

Merry Christmas! :D

Naiintindihan ko na kung ano ang ibig sabihin ng "Ang Pasko ay para sa mga bata". Dati hindi ko maintindihan kung paano nasabi 'yan eh. Iniisip ko, "bakit naman para sa mga bata lang? Para sa lahat kaya! Ang saya-saya talaga tuwing sasapit ang Pasko! Woohoo!" Ganun. Pero habang patagal nang patagal, parang nababawasan 'yung saya na nararamdaman ko kapag papalapit na ang Disyembre. Para bang hindi na ako ganun ka-excited mag-Pasko...

Siguro ay dahil patanda na ako nang patanda? O hindeeee. Hahaha. Dati nung bata pa ako, natutuwa ako sa tuwing papalapit na ang Pasko. Alam mo 'yung genuine happiness? 'Yun bang feel na feel ko 'yung Christmas wind, Christmas snow (bakit ba, walang basagan ng trip), Christmas decoration sa mga mall, Christmas songs sa radyo, Christmas station ID ng channel 2, at kung anu-ano pang pakulo tuwing Christmas. Naalala ko pa dati, sobrang excited ako mamili ng mga panregalo sa mga kabigan. Ililista ko lahat ng bibigyan ko pati kung ano ang ibibigay ko sa kanila. Dadayo pa ako sa 168 at SM para makabili ng mga regalong swak sa budget na inilaan ko.

Ngayong matanda na ako (really hate saying that) at may trabaho na, para bang tinamad na ako. Alam mo bang wala akong nabiling regalo sa mga pinsan ko? 'Yung mga regalo ko naman sa mga ka-opisina ko, kalahati pa lang 'yung nababalot ko. Tapos tinamad na rin akong mag-text sa mga kaibigan ng "Merry Christmas". Sa Facebook naman, hanggang scroll up and down lang ako sa news feed. Gusto ko lang magbasa ng "Merry Christmas" posts. Pagkatapos niyan, natulog na ako. Zzzz.

Tumatanda na nga ba talaga ako at hindi na ako kasingsaya tulad nung bata pa ako? O sadyang hindi ko naisip ang tunay na kahulugan ng Christmas? Alam ko naman na iyun ang kaarawan ni Kristo, pero, pero...oh well, siguro nga hindi ko na-feel ang Christmas spirit this year. Marahil ay dahil hindi na ako nakakapagsimba? Dahil hindi na ako nakakapakinig ng salita ng Diyos? Hay, ang lungkot. Naiinis ako dahil parang ang tamad-tamad ko na magsimba. Huhu.

Lord Jesus, tulungan Ninyo po akong maging Christian na may faith sa Inyo. Amen.

Peke.

Gusto mong makatipid ng pera? Huwag kang bibili ng peke.

Noong bagu-bago pa lang ako sa trabaho ko, ang isa sa mga pinagkagastusan ko ng sweldo ko ay ang pag-shopping. Mahilig akong bumili ng mga kwintas at hikaw sa isang store na malaki na may branches sa mall na may dalawang letra lang (gets?). Ang ganda kasi ng disenyo, tapos hindi pa ganoon kamahal. Actually, mahal ang tinda nilang alahas, malamang hindi kakayanin ng budget ng isang college student. Pero kung ikukumpara sa ibang tindahan, aba'y mas mura naman ang kanilang tinda.

Anyway, makalipas ang ilang buwan, nangupas na 'yung kulay ng mga kwintas at hikaw na binili ko. Well, inaasahan ko naman 'yun dahil alam ko naman na peke sila. 'Yun nga lang, lahat ng binili kong necklace at earrings, parang tinubuan ng kung anong mold/bacteria/kalawang/alien. Nyay! So gross.

At anong ginawa ko? Tinapon ko. Kahit m-m-masakit *hikbi*. Eh hindi ko na rin naman magagamit dahil kala-kalawang na nga. Alangan namang isuot ko pa eh 'di na-tetano naman ako nyan. Diretso tuloy sa basurahan 'yung pera ko!

Lesson learned? Ang hindi na bumili ng pekeng gamit! Sa umpisa lang maayos, pero sa katagalan, masasayang rin 'yung binayad mo, kasi nga mabilis mo lang magagamit. Sa huli, parang mas napamahal ka pa.

Sa ngayon, ipupundar (yes, tunog-matanda haha) ko muna 'yung pera ko sa mga mas makabuluhang bagay, tulad ng pinapangarap kong bahay. :)

Lord Jesus, tulungan Ninyo po akong maging wais pagdating sa gastos. Gabayan Ninyo po ako. Amen. :)

Magpasikat

"Sana, artista na lang ako."

'Yan ang madalas kong isipin kapag nabuburyong na 'ko sa trabaho ko. Kasi naman, sikat ka na, may mga baliw na fans ka na, may malaking kita ka na, may libre ka pang damit at makeup from sponsors! Tapos marami ka ring cake na may mukha mo kada-birthday mo. O, ang saya, 'di ba?

Ang gagawin mo lang bilang artista, aarte sa harap ng camera. Magpo-pose habang kinukuhanan ng picture para sa isang endorsement. Magpapa-interview sa mga showbiz talk show sa tuwing may bagong ipo-promote na palabas. Magsasabi lang ng "no comment" o kaya "we're just friends" kapag dinudumog na ng press. Ngingiti at kakaway sa mga fans. At higit sa lahat, magpapaganda dahil isa ito sa mga puhunan upang maka-survive sa mundo ng showbiz.

Ang sarap.

Pero parang ang hirap umarte, ano? 'Yung iiyak ka na lang bigla kapag sinabi ng direktor. Nye, hindi ko yata kaya 'yun. Lagyan ko muna ng Vicks 'yung mata ko haha. Tapos mahirap ding magpatawa. Dapat witty 'yung punch line mo, kung hindi, masasabihan ka nang "corny", "olats", at "wala ka pala eh".

Ang dami ring plastik sa showbiz, ano? Shocks, hindi ko kayang makisama sa mga plastic, backstabber, at peke. Ugh. Nandyan din 'yung mga snoopy at mga pakialamero't pakialamerang media. Iniisip ko palang, parang gusto ko nang mag-dirty finger. Haha. At 'yung fans? Ok lang 'yan pero may mga creepy rin na fans, 'di ba? 'Yung tipong alam na alam 'yung mga detalye ng katauhan mo. Oooh *shivers*

Buti na lang hindi ako artista.

Pero kung kukunin akong extra sa "Maalaala Mo Kaya" o kaya sa "Bubble Gang", ok sa olrayt sa 'kin 'yan! Woohoo! *twinkling eyes*

WIN, Baby!

So, it's Team A who won in "WIN: Who is Next", the contest YG Entertainment introduced to determine which group of YG trainees will debut. Congratulations! 축하합니다! :)

Personally, I was rooting for Team B, because I like B.I.'s impeccable leadership and of course, I love Bobby! He's so cute! :) Another reason I like Team B is that they are more united and they look good as a whole group. They are very fun to watch, be it during their practice sessions or their performance on stage. They remind me of BIGBANG, to be honest. I just love Team B!

Since they did not win, I just hope YG would debut them later on. Yeah, maybe this is not the right time for them to debut as YG's next boy group. It would probably be better if they debut after a few years so that they could still train and polish their skills and talents.

As for team A, good luck! Especially to the G-Dragon/TaeYang look-alike MinHo! :)

As a way of remembering Team B, let's watch one of their performances on WIN:

Wait-listed? Or Faith-listed?

Isa na namang ka-henerasyon ang engaged.

Hindi sa naiinggit ako, pero parang ganun na nga. 'Yung iba kong mga ka-batch at kalapit ng edad, kung hindi engaged, kinasal na. 'Yung iba nga, may mga anak na eh. Panic mode na ba dapat ako? Haha.

Ang sabi ng iba, kaya hindi pa raw dumarating si Mr./Ms. Right ay dahil nire-ready pa tayo ng Diyos upang maging karapat-dapat sa kanila. And vice versa. Hindi ko alam kung pampalubag-loob ba 'yan, pero may punto nga naman 'yan. Oo nga naman, hinuhubog muna ang ating katauhan para kapag dumating na ang prinsipe o prinsesa ng ating buhay eh handang-handa na tayo.

Hmm, so ibig sabihin, hindi pa ako ready? Pambihira naman, ano pa bang dapat i-develop sa aking ugali upang maging karapat-dapat kay Mr. Right?! 'Yung pagiging masungit ko ba? 'Yung pagkakaroon ng maiksing pasensya? 'Yung pagkahilig ko sa Super Junior?

May nabasa ako sa aking news feed sa Facebook. Ang katagang "I need a boyfriend" daw ay isang kasinungalingang binubulong ni Satanas sa tao. Hindi ko alam ang malalim na paliwanag nito, pero naniniwala naman ako dyan. Ang dapat siguro ay, "I need Jesus" muna kaysa boypren, ano? Hindi maganda na ang unang iisipin natin ay kailangang mangailangan ang isang tao ng isa pang tao upang maging masaya. Ang kailangan muna, maging masaya dahil alam mong mahal mo at mahal ka ng ating Diyos.

Lord Jesus, kung sino po ang ibibigay Ninyo sa akin, at kung saan at kung kailan, inaasa ko po ang lahat sa Inyo. I entrust to You my life. You are our omnipotent God, Amen and Amen.

Basa basa rin 'pag may time

Nakakaaliw magbasa ng sagutan ng mga Pilipino sa mga forum. May sensitive, may know-it-all, may palamura, may malabo, may nanggagatong, atbp. Meron pa dyan na nagsusulat ng malanobelang opinyon na tila pwede nang gawing thesis sa eskwelahan. Mga Pilipino nga naman, oo!

Noong Lunes, ika-14 ng Oktubre, nagdaos ng medical mission ang Iglesia ni Cristo o INC na ginanap sa Maynila. Pambihira, ang daming tao! (Akala ko nga wala kaming pasok sa opisina dahil sa trapik, sayang haha.) At dito na nagsimula ang debate ng ating mga kababayan. Bakit nga ba nagdaos ng malawakang medical mission ang INC? Ang sabi, ito ay parte ng kanilang pangdiriwang ng kanilang ika-100 anibersaryo sa 2014. Ang sabi naman ng iba, may iba pang malalim na dahilan kung bakit ito isinagawa ng grupo. Ang isa sa mga pinaghihinalaang dahilan ay ang pulitika. Hmmm...

Kung babasahin ang mga argumento sa mga forum, makikita na hindi lang pagtatanggol o pagtuligsa sa grupo ang mayroon; mayroon ding mga tsismis at paghukay ng mga baho ng isa't isa! Hay nako, should I get a bag of popcorn? Hahaha. May mga argumento ring nagbabanggit ng mga Bible verses kaugnay sa isyu. Hmm, nami-miss ko tuloy ang Bible. Parang ang tagal ko nang hindi nakakahawak ng Bibliya (at syempre, pati pagbabasa!). Nakakalungkot ba? Ako man ay nalulungkot dahil hindi man lang ako makapagbuklat ng Bible. Nakaka-miss 'yung mga kwento tungkol kina Joseph (ito ang isa sa mga paborito kong istorya sa Bible) at Elias (ang propeta ng apoy hehe). Syempre nakaka-miss rin 'yung kwento tungkol sa anak ng Diyos na si Hesus. Pati 'yung mga comforting words sa Psalms. Hay.

Sana makapagbasa na uli ako ng Bible. Sana mas unahin ko 'yun kaysa sa pagbabasa ng mga away, debate, at tsismis sa forum.

Happy birthday! :)

오늘은 소녀시대 임윤아의 생일이에요. 생일 축하합니다, 윤아!

대박!

:)

Lukewarm.

May aaminin ako. Ilang buwan na akong hindi nakakapagsimba. Nakakalungkot, 'di ba? Ewan ko ba, late na kasi akong nagigising kapag Linggo. Saka kung medyo maaga naman akong gumising, tinatamad naman akong magsimba. Naiinis ako sa sarili ko!

Nami-miss ko nang pumunta sa simbahan at makinig sa preaching ng pastor. Nami-miss ko nang mag-praise and worship. Nami-miss ko na 'yung mga nagta-tambourine sa harap. Nami-miss ko nang kumain ng ostiya at uminom ng wine tuwing communion. Nami-miss ko nang magbigay ng offering. Nami-miss ko nang makapanood ng mga special number ng mga Church members. At higit sa lahat, nami-miss ko na si Jesus...sobra...

Kailangan kong bumawi. Magsisimba na talaga ako!!!

Langit, lupa, impyerno. Im-im-impyerno.

Heto na naman tayo.

Maraming Pilipino ang naasar, nagalit, nabwisit kay Dan Brown dahil sa sinabi niyang "gates of hell" daw ang Maynila. Gates of hell dahil sa "horrible traffic jams, suffocating pollution, massive poverty and a thriving child sex trade" (http://www.smh.com.au/entertainment/books/gates-of-hell-dan-brown-enrages-philippines-20130524-2k55h.html#ixzz2UK1oYaDo). Kung titingnang mabuti, may bahid naman ng katotohanan ito. Hindi nga bahid eh, totoo talaga! Trapik sa may Divisoria dahil sa mga sidewalk vendors. Maalikabok at mausok dahil sa mga tambutso ng sasakyan. Marami ring kalat at basura sa kalsada. At iyang "massive poverty" at "child sex trade"? Totoo rin 'yan! Sos.

Ewan ko ba sa ibang Pilipino. Ang O-OA. Mga ipokrito. Nasaktan sa sinabi ng isang banyagang awtor tungkol sa Pilipinas, eh totoo naman ang sinabi niya. Pero kung makapanlait sa kapwa Pilipino, akala mo wala nang bukas. Hindi ko gusto 'yang si Sen. Nancy Binay, pero nakakaasar lang na biru-biruin at lait-laitin siya dahil sa kulay niya. May mga memes pa, akala mo nakakatawa. Ano ngayon kung maitim ang kulay ng balat? Eh kayumanggi naman talaga ang kulay ng mga Pilipino. Ang nakakalungkot pa, karamihan ng mga Pilipino, iniisip nila na kapag maputi, maganda o gwapo. Pero kapag maitim, pangit na. Anong klaseng pag-iisip 'yan?! Walang kwenta!

Sa nanalong mayor ng Maynila, Mayor Joseph Estrada, ipakita n'yo po kay Mr. Dan Brown na magiging mali ang mga sinabi niya tungkol sa siyudad na pamumunuan ninyo. Thanks!

:)

Swag.

Where on earth is 2NE1?

They have not released a new single since "I Love You". I know they're busy with their series of concerts, but come on! They need to release a new song now, else they might (I repeat, might) be completely forgotten by people, be it their fans or their haters.

And now from what I've heard, CL will soon be releasing a single. Its title is "The Baddest Female". Hmm, ok. That's great, but where is 2NE1?!

I miss 2NE1. I miss its charm. I miss its uniqueness. I miss its SWAG. Could 2NE1 still retain their title as the Number 1 Baddest Girl Group? Papa YG (Yes, we're close. Haha, kidding), what are your plans now?!

For the meantime, let us watch "I Don't Care", one of the best songs of 2NE1. :)

Energized.

Ang hirap ng trabaho ko.

Bow.

Aminado ako, malayo ang tinatahak kong career ngayon sa kinuha kong kurso noong kolehiyo. Eh, bakit nga ba nandito pa rin ako sa trabaho kong ito? Isa pa, sinabi ko sa sarili ko noon na hinding-hindi ako papasok sa career track na ito. Hmm, anyare sa 'kin, 'teh?

Sabihin na nating na-challenge ako sa trabaho ko ngayon. Para akong nag-aaral uli. Para akong kumukuha ng panibagong kurso. At dahil dyan, gusto kong patunayan sa sarili ko na magiging magaling din ako sa trabahong ito. Na makakaya kong maging dalubhasa sa larangang pinasok ko. NA MATALINO AKO.

Maraming kailangang matutunan. Maraming kailangang aralin. Maraming kailangang patunayan.

Ang saya ko :)

Detective Conan Episodes 667-668: Wedding Eve :)

Hello! Wow, ang tagal ko ring hindi nakapag-post. Sorry naman, busy ako eh. Hahaha.

Bago ko makalimutan, Merry Christmas at Happy New Year nga pala sa lahat! :)

At dahil Pebrero na naman, Happy Valentine's sa inyo!

Ok, change topic na. Wahaha. Grabe, ang saya ko. Kakanood ko lang kasi ng isa sa mga paborito kong series, ang Detective Conan. Simula grade school ako, nanonood na 'ko nun eh. Ang talino kasi ni Conan Edogawa/Shinichi Kudo sa pagresolba ng mga mysteries. Saka mapapaisip ka rin talaga kung sino ang tunay na culprit at kung paano niya ginawa 'yung krimen at kung paano napagtagpi-tagpi ni Conan ang mga ebidensya.

Isa sa mga magagandang episode ay 'yung Episode 667-668: Wedding Eve. Ang galing ng pagkagawa ng kwento. Solid. Hindi siya 'yung pinilit lang na mystery. Nakakatuwa. Kaya kung ako sa 'yo, panoorin mo itong episode na ito. :D

Magandang araw, kaibigan! :)